Галина Дуванова Осиё ўйинларида жиу-житсу бўйича Қозоғистонга кумуш олиб келди
16:50, 06 Октябрь 2023
Қозоғистонлик спортчи Галина Дуванова Ханчжоуда (Хитой) бўлиб ўтаётган 2023 йилги Осиё ўйинларининг 57 килограммгача бўлган вазн тоифасидаги финал баҳсида иштирок этди, деб хабар беради Кazinform агентлиги Sports.kzга таяниб.
Унинг рақиби уч карра Осиё чемпиони филиппинлик Энни Рамирес эди. Натижада ҳисоб 2:0, Рамирес фойдасига. У олтин медални, Дувановага эса кумуш медални қўлга киритди.
Мазкур соврин Қозоғистон учун жорий Осиё ўйинларидаги 64-медаль бўлди, маҳаллий спортчилар саккизта олтин, 16та кумуш ва 40та бронза медалини қўлга киритди. Ўйинлар 8 октябрь куни якунланади.
Эслатиб ўтамиз, Галина Дуванова ҳам уч карра Осиё чемпиони ва жаҳон чемпионатларининг кўп карра совриндори ҳисобланади.