Филиппиндаги ёнғин оқибатида саккиз киши ҳалок бўлди

MANILA. BBC. Kazinform – Филиппиндаги ёнғин оқибатида саккиз киши, улар орасида болалар ҳам бор, деб хабар беради Kazinform BBCга таяниб.

Расмийларга кўра, Филиппин пойтахти Манила яқинидаги уйда содир бўлган ёнғин оқибатида саккиз киши, жумладан, олти бола ҳалок бўлган.

Маҳаллий вақт билан соат 05:00 да бошланган ёнғин оқибатида 80 та уй ёниб кетган. Фожиа Кесон-Ситидаги Филиппин университетининг катта кампуси ичидаги аҳоли зич жойлашган қишлоқдаги турар-жой биносининг иккинчи қаватида бошланган.

Ёнғинга нима сабаб бўлгани номаълум.

Ўт ўчирувчи Грег Бичайданинг AFPга айтишича, ёнғинни ўчиришга икки соатдан кўпроқ вақт кетган.

«Ёнғин жуда тез тарқалдики, жабрланганлар уйларини тарк этишга улгурмаган»,-деди у.

Шунингдек, у ҳалок бўлганларнинг 6 нафари болалар эканлигини, бироқ уларнинг аниқ ёши ҳақида маълумот берилмаганини айтди.

«Бу ердаги уйлар енгил материаллардан қурилган. Ёнғин бошланганда одамлар нима қилишни билмай саросимага тушди. Станциямиз яқин бўлса-да, биз билан боғлана олишмади», - деди Бичайда.

Эслатиб ўтамиз, Филиппин дунёдаги аҳоли энг зич жойлашган мамлакатлардан бири ҳисобланади.