Европа лигаси: «Астана» пойтахтда «Лудогорец» устидан ғалаба қозонди

ASTANА. Кazinform – «Астана» UEFА Европа лигасининг учинчи саралаш босқичи доирасида пойтахтда «Лудогорец» (Болгария) жамоаси билан учрашди, деб хабар беради Кazinform мухбири.

Бугунги учрашувда жамоалар кескин ўйин кўрсатишди. Биринчи дақиқаларданоқ дарвоза ёнида ҳужум уюштирди. Болгария клубидан Ноа Сундберг 34-дақиқада ҳисобни очди. Ўйиннинг 40-дақиқасида пойтахт клубидан Жарко Томасевич ҳисобни тенглаштирди.

Иккинчи бўлимда «Астана» футболчиси Александр Марочкин ўзининг тўпурарлик маҳоратини намойиш этиб, якуний ҳисобни қайд этди.

Шу тариқа, пойтахт клуби рақиби устидан 2:1 ҳисобида зафар қучди.

Жавоб учрашуви 17 августда бўлиб ўтади.

«Астана» Европа лигасининг плей-офф босқичига чиқса Нидерландиянинг «Аякс» клуби билан учрашади.

Бу жамоадан мағлубиятга учраган тақдирда «Астана» Конференциялар лигасининг плей-офф босқичида «Валмиера» (Латвия) ва «Партизани» (Албания) жамоалари ғолиби билан куч синашади.

Муаллиф: Адилжан Умбет