Эртага Астанада очиқ осмон остидаги гала-концерт бўлиб ўтади

ASTANA. Kazinform – Астананинг 25 йиллиги муносабати билан 1 июлда очиқ осмон остидаги «Аялаған Астана» гала-концерти бўлиб ўтади, деб хабар беради Kazinform шаҳар ҳокимлиги расмий сайтига таяниб.

«Аялаған Астана» иқтидорли болаларга саҳна санъатининг барча сирларини, шоу-бизнес асосларини ўргатувчи ҳақиқий мамлакатимиз ёш юлдузлари фабрикасидир. Лойиҳа мураббийлари режиссёрлик, вокал, хореография, актёрлик, образ ва услуб усталари. Лойиҳа туфайли иштирокчилар ижодий муҳитда бўлиб, катта профессионал тажриба ўрганиш имкониятига эга бўлади. Бугун «Аялаған Астана» лойиҳаси ҳақиқий миллий брендга айланди», – дейилади хабарда.

Республика болалар мусобақаси 2 босқичда ўтказилади. Биринчи босқич - ҳудудий саралаш, иккинчи босқич - финал. Танловда 8-12 ёшли болалар эстрада-вокал жанрида чиқиш қилиб, беллашмоқда.

Ўтган йили жаҳон даражасида муваффақиятга эришган танлов финалчилари 1 июль куни (соат 20.00, Турон шоҳ кўчаси, 2/6/ амфитеатр) гала-концертида иштирок этади.

Бу йил эса энг яхши иштирокчи «Янги тўлқин» халқаро танловида Қозоғистон шарафини ҳимоя қилади.