“Рўйхатдан ўтиш учун номзодлар яқин 5 кун ичида шахсан Эрон Ички ишлар вазирлигига келиши керак. Номзодларни рўйхатга олгандан сўнг, 12 кишидан иборат Конституция ҳимоячилари кенгаши президентликка номзодларнинг мафкуравий мувофиқлиги тўғрисида қарор қабул қилади”, - дея таъкидлади dpa.
Кенгаш 11 июнь куни тасдиқланган номзодларнинг якуний рўйхатини эълон қилади. Шундан сўнг сиёсатчиларга сайлов кампаниясини ўтказиш учун икки ҳафта вақт берилади. Агар сайловнинг биринчи босқичида номзодлардан ҳеч бири мутлақ кўпчилик овоз тўплай олмаса, 5 июль куни иккинчи тур ўтказилади ва унда бўлажак президент аниқланади.
Эрон президенти 4 йиллик муддатга сайланади ва бу лавозимни кетма-кет икки муддатдан ортиқ эгаллаши мумкин эмас.
Эслатиб ўтамиз, 19 май, якшанба куни Шарқий Озарбайжон Варзакан вилоятидаги Табриз шаҳрига учиб кетаётганда ҳалокатга учраган Эрон Ислом Республикасининг саккизинчи президенти Оятуллоҳ Сейид Иброҳим Раисий ўзи билан бирга бўлган амалдорлар билан бирга вафот этди.