Эрон МАГАТЭ билан янги форматда ҳамкорлик ўрнатишга тайёр
ASTANА. Кazinform — Эрон ҳукумати Атом энергияси бўйича халқаро агентлик (МАГАТЭ) билан ҳамкорликни тўлиқ тўхтатмаганини, бироқ у келажакда янги форматда амалга оширилишини маълум қилди, деб деб хабар беради ТАСС.
Бу ҳақда Эрон Ислом Республикаси ташқи ишлар вазири Аббос Арагчи хорижий элчихоналар ва дипломатик миссиялар раҳбарлари билан учрашувда айтиб ўтди.
Эрон АҚШга ядровий келишувга эришиш учун “реал имконият” беришга тайёр
— Агентлик билан ҳамкорликни тўхтатганимиз йўқ, лекин у янги форматда давом этади. Бу — мавжуд вазият ва содир бўлган воқеалардан келиб чиққан ҳолда табиий ўзгариш, — деди Арагчи.
Унинг сўзларига кўра, МАГАТЭ томонидан Эрон ҳудудида текширув ўтказишга қўйиладиган талаблар хавфсизлик манфаатларини ҳисобга олган ҳолда мамлакат Миллий хавфсизлик олий кенгаши томонидан алоҳида кўриб чиқилади.
Вазирнинг сўзларига кўра, Эрон ядровий иншоотлардаги МАГАТЭ инспекторлари хавфсизлигидан ҳам хавотирда. Чунки Исроил билан урушдан кейин баъзи объектларда портламай қолган снарядлар қолиши мумкин.
Эслатиб ўтамиз, 2 июль куни Эрон президенти Масъуд Пезешкиан Теҳрон ва МАГАТЭ ўртасидаги ҳамкорликни тўхтатиш ҳақидаги қонунни имзолаган эди. Қонун президент ҳужжатни имзолаган пайтдан бошлаб кучга киради ва амалга оширилиши керак.