Эрон футбол бўйича жаҳон чемпионати йўлланмасига эга бўлди

ASTANА. Кazinform - Футбол бўйича Эрон миллий терма жамоаси ЖЧ-2026 олтинчи йўлланмасини қўлга киритди.

Улар Осиё саралаш турнирининг саккизинчи турида Ўзбекистон терма жамоаси билан тўқнаш келди. Иккала жамоа ҳам юқори ўринларни эгаллаб турибди. Эрон терма жамоаси ҳисобида 19 очко бор бўлса, ўзбекистонлик футболчилар улардан 3 очко ортда эди.

Учрашув давомида Ўзбекистон терма жамоаси биринчи бўлиб ҳисобни очди. Ўйиннинг 19-дақиқасида Хожимат Эркинов ўзининг мерганлик маҳоратини намойиш этди.

Эронлик футболчилар биринчи бўлимда ҳисобни тенглаштиришга интилишди. Бироқ, улар мақсадига эриша олмади.

Иккинчи бўлимда эронлик Меҳди Тареми 52-дақиқада гол урган бўлса, Аббосбек Файзуллаев 53-дақиқада Ўзбекистонни яна олдинга олиб чиқди.

Ўйиннинг 84-дақиқасида Меҳди Тареми яна бир бор гол уриш қобилияти билан ажралиб турди.

Энди ўзбекистонлик футболчилар иккита ўйин ўтказади. Улар аввалига 5 июнь куни сафарда Бирлашган Араб Амирликлари билан тўқнаш келишса, 10 июнь куни ўз майдонида Қатарни қабул қилади.Икки ўйиннинг бирида ғалаба қозонса, тўғридан-тўғри жаҳон чемпионати финал босқичига йўлланма олади.

Ҳозирга қадар АҚШ, Мексика ва Канада мезбон сифатида жаҳон чемпионати финал босқичига йўлланмани қўлга киритган, уларга саралаш босқичида Япония ва Янги Зеландия қўшилган.

Эслатиб ўтамиз, Дастан Сатпаев Қозоғистон футболи тарихида рекорд ўрнатганлиги ҳақида хабар берган эдик.