ЕОИИ мамлакатлари илмий унвонларни ўзаро тан олиш тўғрисида келишиб олдилар

ASTANA. Kazinform - Умумий меҳнат бозорини ривожлантириш ва Евроосиё иқтисодий иттифоқига аъзо давлатлар фуқароларини ишга жойлаштириш тартиб-таомилларини соддалаштириш доирасида илмий унвонлар тўғрисидаги ҳужжатларни ўзаро тан олиш тўғрисидаги халқаро шартнома лойиҳаси муҳокама қилинмоқда, деб хабар беради Кazinform ҚР Савдо ва интеграция вазирлиги матбуот хизматига таяниб.

Бугунги кунда профессор, аассоциациялаштирилган профессор (доцент) ва катта илмий ходим илмий унвонларига эга бўлган ЕОИИга аъзо давлатларнинг фуқаролари иш билан таъминланган давлат қонунчилигига мувофиқ тан олиш тартиб-қоидаларидан ўтишга мажбур.

Ишлаб чиқилаётган халқаро шартнома илмий унвонлар эгаларини тегишли тартиблардан ўтиш заруратидан озод қилади.

Жумладан, томонлар илмий ва (ёки) илмий-педагогик фаолият муддати ва мувофиқлиги илмий унвонларни ўзаро тан олиш учун зарур бўлган бошқа мезонларни келишиб оладилар.

Ваколатли ташкилотлар ўртасида илмий унвонлар тўғрисидаги ҳужжатларни тан олиш масалалари бўйича маълумотлар алмашинуви режалаштирилган.

Масалан, ваколатли ташкилотларнинг Интернет тармоғидаги расмий веб-сайтларида илмий унвонлар беришни тартибга солувчи норматив-ҳуқуқий ҳужжатларнинг матнлари, илмий унвонларнинг рўйхати ва намуналари, белгиланган илмий аттестациялар тўғрисидаги маълумотлар ва бошқалар жойлаштирилади.

Умуман олганда, бу иш қозоғистонлик илмий даража эгаларини ЕОИИга аъзо давлатлардаги кераксиз бюрократик расмиятчиликлардан озод қилиш мақсадида олиб борилмоқда.

Бугунги кунда беш давлат бу борадаги музокараларни давом эттирмоқда.