Дзюдо: Мўғулистондаги Grand Slam турнирида қатнашадиган қозоғистонликлар номи маълум бўлди

ASTANА. Кazinform – 25—27 июль кунлари Улан-Баторда (Мўғулистон) дзюдо бўйича навбатдаги Grand Slam турнири бўлиб ўтади. Бу ҳақда МОҚ хабар берди.

Халқаро дзюдо федерацияси (IJF) маълумотларига кўра, мусобақада иштирок этувчи қозоғистонлик спортчилар рўйхати қуйидагича:

• 60 кг гача: Талғат Ўринбосар, Нурадил Алжан
• 66 кг гача: Ержен Еренғайипов, Бауржан Нарбаев
• 73 кг гача: Саят Сейтқалиев
• 81 кг гача: Меиржан Жумабек
• 90 кг гача: Ермахан Ануарбеков

Аёллар ўртасидаги мусобақада эса Толғанай Абеуова (52 кг гача) баҳс олиб боради.

Эслатиб ўтамиз, аввалроқ жаҳон чемпионатида сузиш бўйича Қозоғистон шарафини кимлар ҳимоя қилиши ҳақида хабар берган эдик.