Дзюдо бўйича Осиё чемпионати: Қозоғистон тўртта медални қўлга киритди

ASTANA. Kazinform - Дзюдо бўйича Қозоғистон терма жамоаси Бангкокда (Таиланд) бўлиб ўтаётган Осиё чемпионатидаги чиқишларини якунлади, дея хабар беради Kazinform Қозоғистон Республикаси МОҚга таяниб.

Қозоғистонлик дзюдочилар умумжамоа ҳисобида учинчи ўрин учун баҳслашди. Бироқ шоҳсупага чиқа олмади.

Жамоа Жанубий Кореяга 0:4 ҳисобида имкониятни бой берди. Бронза учун иккинчи жангда Тожикистон ва Мўғулистон терма жамоалари куч синашади. Финалда Ўзбекистон ва Япония терма жамоалари татамида тўқнаш келишади.

Шу тариқа, Осиё чемпионатида қозоғистонликлар тўртта совринни қўлга киритди. Бронза медали соҳиблари Ғалия Тинбоаева (48 кг гача), Шерзод Давлатов (60 кг гача), Бақит Қусакбаева (57 кг гача) ва Мейирлан Максим (90 кг гача).