Душанбега 100 йил: Тожикистон пойтахтида халқаро ярим марафон бўлиб ўтади

ASTANА. Кazinform - Бу йил Тожикистон пойтахти 100 ёшга тўлади. Шаҳар куни муносабати билан пойтахтда 14-яриммарафон бўлиб ўтади. Бу ҳақда ASIA-Plus агентлиги хабар берди.

Душанбе шаҳри раҳбарининг қарорига кўра, 20 апрель куни мамлакат пойтахти куни муносабати билан XIV Душанбе халқаро ярим марафони ўтказилади.

Унда Қозоғистон, Ўзбекистон ва Эфиопия спортчилари, Тожикистондан профессионал спортчилар иштирок этади. Ярим марафон Халқаро енгил атлетика федерациялари ассоциацияси (IAAF) тақвимига киритилган.

Ярим марафон масофаси - 21 километр 97,5 метрни ташкил қилади.

Олдинги, 2023 йил 15 апрелда бўлиб ўтган XIII Халқаро ярим марафонида Европа, Америка, Африка ва Осиё давлатларидан Душанбе билан савдо-иқтисодий ҳамкорликни йўлга қўйган қардош шаҳарлардан келган спортчилар иштирок этишди.

Эслатиб ўтамиз, биринчи Душанбе ярим марафони (21 км 97,5 м) 2010 йилда ўтказилган. Анъанага кўра, пойтахт куни Душанбеда апрель ойининг учинчи шанбасида нишонланади.

Эслатиб ўтамиз, шу куни Душанбе шаҳрида марафон билан бир қаторда бошқа спорт мусобақалари, маданий-ижтимоий дастурлар ва мусобақалар ҳам ўтказилади.