Дунёда қаҳва нархи рекорд даражада ошди

ASTANA. Kazinform - Қаҳвани севувчилар тез орада ўзларининг севимли эрталабки ичимликлари нархининг ошишига дуч келишлари мумкин, чунки халқаро савдо бозорларида қаҳва нархи энг юқори даражага етди.

BBC хабарига кўра, 10 декабрда дунёдаги энг кўп ишлаб чиқарилган Арабиcа навининг нархи бир фунт (0,45 килограмм) учун 3,44 доллардан ошган. Бу ҳолат дунёдаги икки йирик қаҳва ишлаб чиқарувчилари - Бразилия ва Вьетнамнинг ёмон об-ҳаводан азият чекаётгани ва ичимликнинг тобора оммалашиб бораётгани билан боғлиқ.

BBC билан суҳбатлашган экспертлардан бири қаҳва брендлари жорий йилнинг ўзидаёқ нархларни ошириш ҳақида ўйлашаётганини айтди.

Tuan Loc Commodities компанияси бош директори Вин Нгуеннинг сўзларига кўра, сўнгги йилларда йирик қаҳва ишлаб чиқарувчилари мижозларни йўқотмаслик ва бозор улушини сақлаб қолиш учун нархларни кўтармаган, бироқ ҳозир вазият ўзгармоқда.

“JDE Peet, Nestle ва бошқа шунга ўхшаш брендлар хомашё нархининг кўтарилишидан қаттиқ таъсирланди”, - деди у.

Қаҳва маҳсулдорлигининг пасайиши бўйича аввалги рекорд 1977 йилда Бразилиядаги плантацияларда кутилмаган қор ёғиши натижасида ўрнатилган эди.