Дональд Трампнинг Иллинойс штатидаги праймеризда қатнашиши тақиқланди

ASTANА. Кazinform - Чоршанба куни Иллинойс судьяси АҚШ Конгресси ишғол қилинганини асос қилиб, собиқ президент Дональд Трампни республикачиларнинг праймеризида штатдаги асосий сайлов бюллетенидан четлатиш тўғрисида қарор чиқарди.

Қарор Кук округи туман суди томонидан чиқарилган. Иллинойсдаги праймериз 19 мартга белгиланган.

Судья Трейси Портернинг буйруғига кўра, унинг исми 2021 йил 6 январдаги тартибсизликларда иштирок этгани учун сайлов бюллетенидан олиб ташланиши керак.

Трампнинг сайловолди кампанияси қарорни танқид қилиб, уни “конституцияга зид” деб атади ва устидан шикоят қилишни режалаштирмоқда. Судья Портер ҳам Демократик партия аъзоси бўлганлиги учун нохолисликда айбланган.

Иллинойс Дональд Трампга праймеризда қатнашишни тақиқлаган учинчи штатдир. Шунга ўхшаш қарорлар Колорадо ва Мейн штатларида ҳам қабул қилинган.

Ҳар бир ҳолатда Конституциянинг 14-моддаси келтирилиб, унга кўра, Конституцияга қасамёд қилган ва “фитначилик билан шуғулланган” шахс давлат лавозимини эгаллаши мумкин эмас. Унда бу қоида президентларга тааллуқли ёки йўқлиги аниқланмаган.

Кук округи Иллинойс штатидаги энг кўп аҳоли яшайдиган Чикаго шаҳрини ўз ичига олади.

АҚШда сайлов 2024 йил 5 ноябрга белгиланган. Дональд Трамп Невада, Айова, Нью-Гэмпшир ва Виргин оролларидаги кокусларда ишончли ғалаба қозонди. Куни кеча АҚШ президенти Жо Байден ва Трамп Мичигандаги праймеризда ғалаба қозонгани маълум бўлди.