Доғистондаги терроризм: Қасим-Жомарт Тоқаев Россия президентига ҳамдардлик билдирди

ASTANA. Kazinform – ҚР Президенти Қасим-Жомарт Тоқаев Россия Президенти Владимир Путинга Доғистондаги православ черкови ва синагогада содир этилган, дин ва ҳуқуқ-тартибот идоралари ходимларининг ўлимига сабаб бўлган терактлар муносабати билан ҳамдардлик билдирди.

“Қозоғистон Президенти ҳуқуқ-тартибот тизими орқали фавқулодда қидирув тадбирларини амалга оширишда ёрдам кўрсатишга тайёрлигини билдирди”, – деб ёзади Ақорда расмий сайти.

Давлат раҳбари инсониятга қарши бундай ҳаракатни кескин қоралайди, шунингдек, БМТ, ШҲТ ва бошқа нуфузли халқаро ташкилотлар доирасида терроризмга қарши кураш бўйича кўп томонлама ҳамкорликни ривожлантириш тарафдори.

Эслатиб ўтамиз, бунгача Доғистонда номаълум шахслар православ черкови ва синагогага ҳужум қилгани ҳақида ёзган эдик.