Доғистонда уч кунлик мотам эълон қилинди

ASTANA. Kazinform - Махачқалъа ва Дербентда жангариларнинг ҳужумлари муносабати билан Доғистонда уч кунлик мотам эълон қилинди. Бу ҳақда республика раҳбари маъмурияти Сергей Меликовнинг Telegram каналида маълум қилинди.

“Доғистонда 24, 25 ва 26 июнь кунлари мотам куни деб эълон қилинди. Фармонни ҳозиргина Сергей Меликов имзолади”, — дейилади хабарда.

Бутун республика бўйлаб мотам кунларида давлат байроқлари ярим туширилади. Вилоятда жойлашган маданият муассасалари ҳамда телерадиокомпаниялар барча кўнгилочар тадбирлар ва эшиттиришларни тўхтатади.

“Доғистон Республикаси ҳукуматига ҳалок бўлганлар ва жароҳатланганларнинг оила аъзоларига ёрдам кўрсатиш бўйича тегишли чоралар кўриш вазифаси топширилди”, — дейилади расмий хабарда.

Эслатиб ўтамиз, Доғистонда номаълум шахслар православ черкови ва синагогага ҳужум қилган эди.

Давлат раҳбари Қасим-Жомарт Тоқаев Россия Президенти Владимир Путинга Доғистондаги православ черкови ва синагогада содир этилган, дин ва ҳуқуқ-тартибот идоралари ходимларининг ўлимига сабаб бўлган терактлар муносабати билан ҳамдардлик билдирди.