Давлат раҳбари Қозоғистон Миллий банки раисини қабул қилди

ASTANA. Kazinform - Қасим-Жомарт Тоқаев Миллий банк фаолиятининг асосий йзналишлари бўйича қатор вазифаларни қўйди, деб хабар беради Кazinform агентлиги Ақордага таяниб.

Миллий банк раҳбари Тимур Сулейменов 2023 йилда ва жорий йилнинг январь-февраль ойларида пул-кредит сиёсатини амалга ошириш якунлари ҳамда келгуси давр учун иш режалари тўғрисида маълумот берди.

Шунингдек, у Қозоғистон ва жаҳондаги иқтисодий вазиятнинг ривожланиши, инфляция динамикаси ва уни барқарорлаштириш чоралари ҳақида маълумот берди:

• йиллик инфляция суръатларининг секинлашиши ва иқтисодиётда инфляцияни қўллаб-қувватловчи омилларнинг сақланиб қолиши тўғрисида ҳисобот;
• ЯЖБПФ активлари ва олтин-валюта захираларининг ҳолати, “Миллий жамғарма - болаларга” дастурининг амалга оширилиши тўғрисида ҳисобот берди;
• Давлат раҳбарининг иқтисодиётнинг реал секторини молиялаштиришни кенгайтириш, шунингдек, Миллий тўлов тизимини ривожлантириш ва очиқ банк фаолияти тамойилларини жорий этиш юзасидан лойиҳаларни амалга ошириш бўйича топшириқларини амалга оширишнинг бориши ҳақида сўзлаб берди;
• мижозлар маблағларини фирибгарликдан ҳимоя қилиш мақсадида фирибгарликка қарши кураш марказини ташкил этиш ҳамда давлат харидлари ҳамда бюджет харажатларининг шаффофлиги ва самарадорлигини ошириш учун рақамли тенге имкониятларидан фойдаланиш бўйича маълумотлар тақдим этди.