Давлат раҳбари Қозоғистон халқини Янги йил билан табриклади
ASTANA. Kazinform - Президент Қасим-Жомарт Тоқаев Қозоғистон халқини Янги йил байрами билан табриклади.
Ҳурматли ватандошлар!
Сизларни Янги йил билан чин қалбимдан табриклайман!
Бугун барчамиз чорак асрлик тантанага қадам қўймоқчимиз.
Бу йил Олтой ва Атирау ўртасидаги барча одамлар учун тарихнинг янги саҳифаси бирдан очилади. Халқимиз янги йилни яхши ният, ўзгача кайфият билан кутади. Ўтган кунларни сарҳисоб эта туриб, эски йилга баҳо беради. Орзу-мақсадларини белгилаб, келажакка катта умид билан қарайди.
Бу - ҳақиқий оилавий байрам. Шундай экан, аввало, барчангизга, юртимиз тинч, халқимиз омон, яқинларимиз соғ-омон бўлсин, демоқчиман. Ұлу жылы (балиқ, аждар) йили халқимиз учун муҳим воқеаларга бой бўлди.
Турли соҳалардаги ислоҳотлар ўз самарасини бера бошлади.
Иқтисодиётнинг янги йўналишини белгилаб, аниқ чора-тадбирлар кўрдик. Қайта ишлаш саноати жадал ривожланмоқда. Бир қанча йирик ишлаб чиқариш корхоналари очилди. Инвестиция муҳит яхшиланди. Минглаб километр йўллар қурилди ва таъмирланди. Мамлакатимиздаги энг узун кўприк қурилиши якунланиб, халқ ихтиёрига топширилди.
Деҳқонларимиз мўл ҳосил йиғиб, омборларни ғалла билан тўлдиришди. «Таза Қазақстан» акцияси доирасида шаҳар ва қишлоқлар янги қиёфа касб этмоқда. Фуқароларимизнинг ўртача умр кўриши илк бор 75 ёшга етди. Ёш авлоднинг порлоқ келажаги йўлида кенг кўламли ишлар амалга оширилмоқда. Миллий жамғарма маблағларининг бир қисми болалар ҳисобига тушди. Юздан ортиқ янги мактаблар очилди. Кўплаб ижтимоий объектлар қурилди. Парламент аъзолари томонидан жамиятдаги долзарб масалалар юзасидан қонунлар қабул қилинди.
Шунингдек, бу йил биз мамлакатимиз келажагига катта таъсир кўрсатадиган жуда муҳим қарор қабул қилдик. Биз атом электр станцияси бўйича референдум ўтказдик. Кўпчилик бу ташаббусни қўллаб-қувватлади.
Қозоғистоннинг жаҳон миқёсида обрўси ошди. Астанада нуфузли халқаро ташкилотларнинг муҳим саммитлари бўлиб ўтди. Бутунжаҳон кўчманчилар ўйинларига минглаб спортчилар ва меҳмонлар ташриф буюрди. Биз ажойиб мусобақани муваффақиятли ташкил этиб, ўзимизнинг асл цивилизациямизни дунёга намойиш этдик.
Спортчиларимиз Олимпия ва Паралимпия ўйинларида байроғимизни баланд кўтарди. Ўқувчиларимиз турли таълим мусобақаларидан совринли ўринлар билан қайтди. Бошқа кўплаб афзалликлар ҳам мавжуд.
Биласизки, бу йил баҳорда бир қатор ҳудудларда ҳалокатли сув тошқинлари юз берди. Шубҳасиз, табиатнинг кутилмаган синови барчамизга таъсир қилди. Шунга қарамай, оғир дамларда халқимиз бирлашиб, бирдам ва ҳамжиҳат бўлди. Барча жабрланган фуқароларга ҳар томонлама ёрдам кўрсатилди. Давлат ҳеч кимни қаровсиз қолдирмади. Барча мажбуриятларни тўлиқ бажарди. Юзлаб оилалар Янги йилни янги уйларда кутиб олади. Шу тариқа биз кучли бирдамлигимиз туфайли барча қийинчиликларни енгамиз.
Ишонч билан олдинга интиляпмиз. Тизимли ислоҳотлар давом эттирилади. Барча режаларимиз амалга ошади. Келгуси йил янада муваффақиятли бўлади. Мен Президент сифатида бунинг учун бор кучимни сарфлайман.
Ҳукумат иқтисодиётимизнинг изчил юксалишини таъминлаши, самарали ишлаши керак. Янги ишлаб чиқариш қувватларини очиш, бизнес юритиш учун шароитларни яхшилаш зарур. Йўллар қуриш ва коммунал муаммоларни ҳал қилишда давом этишимиз керак. Рақамли технологиялар, жумладан, сунъий интеллектни қўллаш кўламини кенгайтириш зарур. Фермерларимизни қўллаб-қувватлашни кучайтириш керак. Бу ишларнинг барчасидан асосий мақсад - фуқаролар фаровонлигини оширишдан иборат.
Давлат таълим, соғлиқни сақлаш, фан ва маданиятни ривожлантиришга эътиборни кучайтиради. Янги мактаблар, касалхоналар қуриш, ўқитувчилар, шифокорлар, фан ва маданият арбоблари мавқеини юксалтиришда давом этамиз.
Албатта, давлат ёшларни қўллаб-қувватламоқда. Келгуси йилда бизни бир қатор муҳим саналар кутмоқда. Биз Буюк Ғалабанинг 80 йиллигини нишонлаймиз. Қозоғистон Конституцияси ва халқ ассамблеясининг ўттиз йиллигини юқори савияда нишонланади.
Шунингдек, буюк Абай таваллудининг 180 йиллигини муносиб нишонлашимиз керак. Келгуси йилни “Ишчи касблари йили” деб эълон қилдим. Бу меҳнаткаш хақлимизга алоҳида ҳурмат белгисидир. Биз ватанпарварлик, меҳнатсеварлик ва малакага катта аҳамият берамиз.
Айни дамда байрамга қарамай минглаб юртдошларимиз меҳнат қилмоқда. Улар орасида чегарачилар, шифокорлар, ҳуқуқ-тартибот идоралари ходимлари, қутқарувчилар ва ўт ўчирувчилар, ишлаб чиқариш бошида турган мутахассислар ва бошқа фуқаролар ҳам бор. Буни ўз ишига садоқатнинг ҳақиқий намунаси дейиш мумкин. Мен бутун халқимиз номидан Сизларга самимий миннатдорлик билдираман. Чет элда ўқиётган ёки ишлаётган фуқароларимизга омонлик тилайман!
Азиз ватандошлар!
Шу байрамда ҳар бир оилага бахт тилайман!
Янги йил ҳар бир юртдошимизга яхшилик олиб келсин!
Муҳтарам оналаримиз, фахрийларимиз омон бўлсин!
Ёш авлоднинг йўли мусаффо, келажаги порлоқ бўлсин!
Севимли Ватанимиз ўсиб, гуллаб-яшнасин!
Янги йилда барчангизга сиҳат-саломатлик, бахт ва фаровонлик тилайман!
Ушбу оилавий байрам қалбларингизни илиқлик ва қувонч билан тўлдирсин!
Янги Йил муборак бўлсин!