Давлат раҳбари ХХР Раисига табрик телеграммасини йўллади

ASTANА. Кazinform – Қасим-Жомарт Тоқаев Си Цзиньпинни Хитой Янги йили — Чуньцзе билан табриклади.

– Собит дўстлик ва самарали ҳамкорликка асосланган кўп қиррали муносабатларимиз янги суръатларда ривожланиб бораётганидан мамнунман. Сизнинг ушбу эзгу ишга қўшган ҳиссангизни юқори баҳолайман. Бундай ўзгарувчан даврда бир-биримизни қўллаб-қувватлаш ва халқаро миқёсда уйғунликда ҳаракат қилиш орқали умумий манфаатларимизни ҳимоя қилиш ва мамлакатларимиз ўртасидаги ҳамкорликни мустаҳкамлаш жуда муҳимдир. Мен сизнинг бу йўналишдаги қатъий позициянгизни тўлиқ қўллаб-қувватлайман, — дейилади телеграммада.

Президент ХХР Раисига глобал ташаббусларида муваффақиятлар ва Хитой халқига фаровонлик тилади.