Давлат раҳбари Греция Президентини Мустақиллик куни билан табриклади

ASTANA. Kazinform – Давлат раҳбари Греция Президентини Мустақиллик куни билан табриклади, деб хабар беради Ақорда.

Президент Астана ва Афина ўртасидаги дўстлик ва ўзаро англашувга асосланган кўп қиррали ҳамкорлик кўлами йилдан-йилга кенгайиб бораётганини миннатдорлик билан таъкидлади. Шунингдек, у биргаликдаги саъй-ҳаракатлар туфайли мамлакатларимиз ўртасидаги шериклик муносабатлари келгусида ҳам мустаҳкамланиб боришига ишонч билдирди.

Қасим-Жомарт Тоқаев Греция Президенти Константинос Тасулага масъулиятли давлат хизматида муваффақиятлар, дўст Греция халқига эса фаровонлик ва барака тилади.