Давлат раҳбари Бош вазир Олжас Бектеновни қабул қилди

ASTANА. Kazinform — Қасим-Жомарт Тоқаевга мамлакатда барқарор ижтимоий-иқтисодий ривожланишни таъминлашга қаратилган иқтисодиётни диверсификация ва таркибий модернизация қилиш бўйича кўрилаётган чора-тадбирлар тўғрисидаги ҳисобот тақдим этилди. Бу ҳақда Ақорда матбуот хизмати хабар берди.

Президент топшириқлари ижроси доирасида умумий инвестиция ҳажми 2,3 триллион тенгедан ортиқ бўлган 45 йирик саноат лойиҳаси амалга оширилиб, 20 мингга яқин иш ўрни яратилмоқда.

Бош вазир Хавфсизлик Кенгаши йиғилишида Давлат раҳбари томонидан транспорт соҳасини ривожлантириш бўйича белгиланган вазифалар ижроси юзасидан амалга оширилган ишлар тўғрисида ахборот берди.

Президентга вегетация ҳақида маълумот берилди. Далаларни сув ресурслари, қишлоқ хўжалигини таъминлаш масалалари доимий назоратда бўлиб, сувни тежайдиган технологиялар жорий этилмоқда. Ҳудудий штаб ишламоқда.

Давлат раҳбарига экиш ишлари якунлангани, ҳосилга тайёргарликнинг бориши ҳақида маълумот берилди. Республикада умумий экин майдони 23,7 миллион гектарни ташкил этди. Фермерлар ҳар томонлама қўллаб-қувватланмоқда. Йил бошидан буён қишлоқ, ўрмон ва балиқ хўжалигида ишлаб чиқарилган маҳсулот ва хизматларнинг умумий ҳажми 4 фоизга ошди. Барча ҳудудларда ижобий динамика қайд этилган.

Шунингдек, энергетика ва коммунал инфратузилмани модернизация қилиш, рақамли трансформация бўйича маълумотлар берилди.

Учрашув якунида Қасим-Жомарт Тоқаев иқтисодиётдаги институционал ўзгаришлар, ҳудудларни ривожлантириш, инвестицияларни жалб қилиш бўйича қатор топшириқлар берди.

Эслатиб ўтамиз, аввалроқ ҚР Президенти Хавфсизлик Кенгаши йиғилишини ўтказгани ҳақида хабар берган эдик.