Давлат раҳбари Бельгия Қиролини табриклади

ASTANA.Kazinform - Қасим-Жомарт Тоқаев Бельгия Миллий куни муносабати билан Қирол Филиппга табрик телеграммаси йўллади. Бу ҳақда Ақорда матбуот хизмати хабар берди.

«Қозоғистон ва Бельгияни мустаҳкам дўстлик ва ўзаро ҳурматга асосланган яқин шериклик боғлаб турганини алоҳида таъкидламоқчиман», – дейилади телеграммада.

Президент Қасим-Жомарт Тоқаев Қирол Филиппнинг барча хайрли ташаббусларига муваффақият, Бельгия халқига фаровонлик тилади.