Давлат раҳбари «QazaqGaz» МК» АЖ бошқаруви раисини қабул қилди

ASTANА. Кazinform – Президентга миллий компаниянинг жорий йилнинг биринчи ярмидаги асосий молиявий-иқтисодий кўрсаткичлари ҳамда газ тармоғини ислоҳ қилиш ишларининг бориши тўғрисида маълумот берилдиди, деб хабар беради Ақорда матбуот хизмати.

Қасим-Жомарт Тоқаевга маълум қилинишича, 2022 йил бошидан «QazaqGaz» МК» АЖ ўз маблағлари ҳисобидан Атирау, Манғистау вилоятлари ва Олмаота шаҳрида 400 миллиард тенгелик инвестиция лойиҳаларини амалга оширган.

Ўтган йил бошидан буён миллий компания аҳоли ва корхоналар учун газ нархини 389 миллиард тенге миқдорида субсидия қилган. Бу даврда 450 мингга яқин қозоғистонлик табиий газдан фойдаланиш имкониятига эга.

Давлат раҳбарига газ тақчиллиги муаммосини ҳал этиш юзасидан маълумот берилди. Санжар Жаркешовнинг сўзларига кўра, кўрилаётган чора-тадбирлар Қозоғистонни келгуси куз-қиш мавсумида табиий газ билан ортиқча таъминлаш имконини беради.

Бундан ташқари, Қасим-Жомарт Тоқаевга «Бейнеу-Бозой-Чимкент» магистрал газ қувурининг иккинчи линияси бўйича лойиҳанинг бориши ва Хитой Халқ Республикаси билан янги экспорт шартномаси имзолангани ҳақида маълумот берилди.

Бундан ташқари, Президентга газ саноатининг ўрта муддатли стратегиясини амалга ошириш, газни қайта ишлаш қувватларини ошириш ҳамда мамлакатни газ билан янада таъминлаш истиқболлари ҳақида маълумот берилди.

Давлат раҳбарига газ ресурслари базасини кенгайтириш ҳақида ҳам маълумот берилди. «QazaqGaz» МК» АЖ раисининг сўзларига кўра, янги «Анабай» газ кони 2023 йил охиригача ишга туширилади ва Придорожное конини ўзлаштиришга тайёргарлик ишлари бошлаб юборилган.

Учрашув якунида Қасим-Жомарт Тоқаев ички бозорни барқарор газ билан таъминлаш, иситиш мавсумига ўз вақтида тайёргарлик кўриш, тежамкор истеъмол концепциясини жорий этиш ва нархларни ислоҳ қилиш бўйича қатор топшириқлар берди.