«Дала қасқырлары» фильми Канада кинофестивалида юқори баҳога сазовор бўлди

ASTANA. Kazinform - Канададаги нуфузли кинофестивалда «Дала қасқырлары» (“Дашт бўрилари”) фильми юқори баҳоланди. Бу ҳақда ҚР Маданият ва ахборот вазирлиги хабар берди.

Fantasia Film Festival кинофестивалида қозоқ фильми ҳакамлар ҳайъати томонидан юқори баҳоланди. Бош ролларни ижро этган Берик Айтжанов ва Анна Старченко фестивалнинг энг яхши актёрлари деб топилди.

Оператор Еркинбек Птиралиевнинг “Оскар” кинематография академиясига қабул қилингани кино жамоаси учун муҳим воқеа бўлди. Шу тариқа, у “Оскар” мукофоти учун овоз беришда қатнашган биринчи қозоғистонлик бўлади.

Режиссёр Адилхан Ержановнинг «Дала қасқырлары» фильми аввалроқ Reims polar 2024 кинофестивалида Франция танқидчилари уюшмаси совринини қўлга киритган эди. Фильм тартибсизликлар пайтида ўғирлаб кетилган ўғлини қидираётган Тамара исмли аёлнинг қайғули воқеаси ҳақида ҳикоя қилади. У шубҳали детективнинг ёрдамига мурожаат қилади ва кейин кутилмаган ҳодисаларга дуч келади.

Фильм Қозоғистон Республикаси Маданият ва ахборот вазирлиги кўмагида суратга олинган.