CNPC раҳбарининг собиқ ўринбосари коррупцияда айбланмоқда

BEIJING. Kazinform - Хитой Миллий нефт корпорацияси (CNPC) собиқ бош директорининг собиқ ўринбосари Сюй Вэньжунга пора олиш бўйича айблов қўйилди, дея маълум қилди сешанба куни Хитой Олий халқ прокуратураси(ОХП). Бу ҳақда Xinhuа агентлиги маълум қилди, дея хабар беради Kazinform мухбири.

Унга қарши иш Давлат назорат қўмитаси томонидан тергов якунланганидан сўнг, Ляонин провинцияси Шэньян шаҳри халқ прокуратураси томонидан очилган, дейилади ОХП баёнотида.

Прокуратуранинг айблов хулосасида қайд этилишича, Сюй Вэньжун ўз мансаб мавқеини учинчи шахслар манфаатларини кўзлаб суиистеъмол қилган, бунинг учун улардан жуда катта миқдордаги молиявий ва моддий бойликларни ноқонуний равишда олган.

Муаллиф: руслан Сулейменов