Чемпионлар лигаси: "Реал Мадрид" "Арсенал"га мағлуб бўлди

ASTANА. Кazinform - Испаниянинг "Реал Мадрид" жамоаси UEFА Чемпионлар лигаси чорак финалининг биринчи ўйинида йирик мағлубиятга учради.

"Қироллик клуби" мусобақанинг ушбу босқичида Англиянинг "Арсенал" жамоаси билан тўқнаш келди. Килиан Мбаппе бошчилигидаги футболчилар Лондонда бўлиб ўтган учрашувда мухлисларни ҳайратда қолдира олмади. Биринчи бўлимда жамоалар дуранг билан кифояланишди.

Иккинчи бўлимда инглиз клуби ўйинни ўз қўлига олди. Ўйиннинг 58-дақиқасида Деклан Райс гол урган бўлса, 70-дақиқада иккинчи голини уришга муваффақ бўлди.

“Арсенал” футболчиси Михель Мерино якуний голни 75-дақиқада киритди.

Шу тариқа, “Реал Мадрид” рақибига 0:3 ҳисобида имкониятни бой бериб, мусобақани давом эттиришини қийинлаштирди.

Шунингдек, яна бир ярим финал учрашувида Германиянинг “Бавария” жамоаси ўз майдонида Италиянинг “Интер” жамоасига 1:2 ҳисобида имкониятни бой берди.

Жавоб ўйинлари энди 16 апрель куни бўлиб ўтади.

Чорак финалнинг иккинчи ўйинида, 9 апрель куни “Барселона” (Испания) ва “Боруссия Дортмунд” (Германия), “ПСЖ” (Франция) ва “Астон Вилла” (Англия) клублари яшил майдонга чиқади.