"Челси" — клублар ўртасидаги жаҳон чемпионати ғолиби

ASTANА. Кazinform — Футбол бўйича клублар ўртасидаги жаҳон чемпионати финалида «ПСЖ» (Франция) ва «Челси» (Англия) клублари тўқнаш келди.

Ўйиннинг биринчи дақиқасиданоқ инглизлар назоратни ўз қўлига олишга ҳаракат қилишди. Тезкор гол излаган улар биринчи бўлимда дарвоза томон учта зарба беришди.

Дастлаб 22-дақиқада Коул Палмер ҳисобни очган бўлса, 30-дақиқада яна гол урди. Ўйиннинг 43-дақиқасида унинг узатмасидан жамоадоши Жоао Педро унумли фойдаланиб, ҳисобдаги фарқни оширди.

Шу тариқа, инглиз клуби рақибини 3:0 ҳисобида мағлуб этиб, клублар ўртасидаги жаҳон чемпионатида бош совринни қўлга киритди.

Opta компаниясининг суперкомпьютери 2025 йилги жаҳон чемпионатида қайси жамоа ғалаба қозонишини башорат қилган эди.

Иштирокчиларнинг турнирда ғалаба қозониш имкониятларини аниқ ҳисоблаш учун Opta 10 000 маълумотни қайта ишлашга мажбур бўлди. Ушбу прогнозга кўра, Франциянинг "ПСЖ" жамоасининг чемпионатнинг асосий фаворити сифатидаги имкониятлари 18,5 фоизга баҳоланган.

"Челси"нинг имкониятлари 8,4 фоизга баҳоланган.

Жаҳон чемпионатининг соврин жамғармаси 1 миллиард АҚШ долларини ташкил қилади. Турнирда ғолиб чиққан жамоа 125 млн доллар олади. Қолган маблағлар 31 иштирокчи клуб ўртасида уларнинг жойлашувига қараб тақсимланади. Тўп ўйинида 32 та жамоа беллашди.

Эслатиб ўтамиз, "Челси" клублар ўртасидаги жаҳон чемпионати финалига чиққани ҳақида хабар берган эдик.