Чехияда яшин уриши оқибатида жабрланганлар сони 18 нафарга етди

ASTANA. Kazinform – Чехия шимолидаги Либерец шаҳрида яшин уриши оқибатида жабрланганлар сони 18 кишига етди. Улар орасида икки ёшдан ўн олти ёшгача бўлган 9 нафар бола бор. Улар турли тан жароҳатлари билан шифохонада.

Маҳаллий СTK агентлиги маълумотларига кўра, айрим жабрланганларнинг аҳволи “оғир” деб баҳоланган ва улар шошилинч жарроҳлик амалиётини ўтказишга мажбур бўлган. Битта кичкина бола Прагадаги Мотоль касалхонасига вертолётда олиб кетилди.

“Дам олиш кунларида ёғган кучли ёмғир Чехиянинг жануби-ғарбий қисмида дарёлар даражасини оширди. Радбуза дарёсининг сув сатҳи кўтарилиб, Станьков ва Домажлицко вилоятларида хавфли сув тошқини даври бошланди”, – дейилади маҳаллий агентлик хабарида.

Эслатиб ўтамиз, 2 июнь куни кечқурун боғдаги болалар байрами вақтида болаларни чақмоқ урди. Полиция 15 киши яраланганини қайд этди.