Чехияда қозоқ дашти куйлари янгради
PRAGA. Kazinform - Чехия Республикасининг Жанубий Моравия вилояти марказидаги Брно шаҳрида Қозоғистон маданияти куни доирасида Оралнинг “Арнау” этно-фольклор ансамблининг концерти бўлиб ўтди, деб хабар беради Kazinform Қозоғистон Республикасининг Чехиядаги элчихонага таяниб.
Тадбир Қозоғистон Республикасининг Чехиядаги элчихонаси томонидан, «Qazaq Nomad» қозоқ диаспораси ташкилоти кўмагида, Брно-Стржед тумани муниципалитети кўмагида ташкил этилди.
Брно шаҳрининг тарихий маркази – Озодлик майдонида бўлиб ўтган концертда шаҳар маъмурияти вакиллари, шаҳар аҳолиси ва меҳмонлари, маҳаллий қозоқ диаспораси қатнашди.
“Арнау” ансамбли санъаткорлари ижросида йиғилганларга Қурманғази, Даулеткерей, Қазанғап, Н.Тилендиев каби буюк қозоқ бастакорларининг куйлари, анъанавий қўшиқлар – жыр-терме, шунингдек, қозоқ халқ рақслари тақдим этилди.
Брно шаҳридаги “Арнау” ансамблининг концерти Чехия учун жонли маданий воқеага айланди. Санъаткорларнинг чиқишлари ва уларнинг маҳорати чех жамоатчилигининг самимий ҳайратини уйғотди ва гулдурос қарсаклар билан давом этди.