Бу йил ўрмон хўжалигига қанча маблағ ажратилиши маълум бўлди

ASTANA. Kazinform – Жорий йилда мамлакатимиз ўрмон хўжалиги муассасаларига 55 миллиард тенге ажратиш режалаштирилган. Бу ҳақда Қозоғистон Республикаси Экология ва табиий ресурслар вазири ўринбосари Жомарт Алиев маълум қилди.

“2024 йилда “Жасил даму” АЖ томонидан Саноатни ривожлантириш жамғармасига 120,5 миллиард тенге ўтказилиб, шундан 117 миллиард тенге махсус техниканинг имтиёзли лизингини молиялаштиришга йўналтирилди. Ушбу маблағлар ҳисобидан Фавқулодда вазиятлар вазирлиги, Мудофаа вазирликлари, ўрмон хўжалиги муассасалари ва вилоятлар эҳтиёжлари учун 1 минг 259 дона техника харид қилинди”, — деди у.

Вазир ўринбосари жорий йилда ўрмон хўжалиги муассасаларига ажратилган маблағлар қандай сарфланиши ҳақида ҳам гапирди.

“2025 йилда ўрмон хўжалиги муассасаларини 55 миллиард тенге миқдорида молиялаштириш режалаштирилган. Бу маблағлар ўрмон хўжалиги техникаларини харид қилиш, ёнғинни эрта аниқлаш тизимини жорий этиш, ёпиқ илдиз тизимига эга ўрмон кўчатларини етиштириш учун кўчатхоналар қуриш, ўрмонларни тиклашга йўналтирилади, – дейди Жомарт Алиев.

Аввалроқ вазир ўринбосари мамлакатдаги йирик корхоналардан зарарли чиқиндилар 6 фоизга камайганини маълум қилган эди.

Шунингдек, йирик шаҳарларда маиший чиқиндиларни қайта ишлаш бўйича 65 та завод қуриш лойиҳаси ҳақида маълумот берди.