Бу йил Президент Қирғизистонга ташриф буюради
ASTANA. Kazinform - Бу йил Президент Қасим-Жомарт Тоқаев Қирғизистонга расмий ташриф билан боради. Бу ҳақда бош вазир Олжас Бектенов Қирғизистон Республикаси Вазирлар маҳкамаси раиси – Президент Администрацияси раҳбари Одилбек Қосималиев билан учрашувда маълум қилди.
«Астанага илк расмий ташрифингиз алоҳида рамзий маънога эга. Биз - орзуларимиз ва меросимиз муштарак, тарихий илдизларимиз, қонимиз ва руҳимиз муштарак, яқин қардош давлатлармиз. Шу ўринда аждодларимиз омонат қилиб берган фаровонлик ва ҳамжиҳатликни асраб-авайлаш, дўстлигимизни мустаҳкамлашни умумий мақсадимиз, деб биламан. Давлатларимиз раҳбарларининг ўзаро ишонч ва чин дўстлик руҳидаги доимий алоқалари кўп қиррали муносабатларимизни янги босқичларга кўтаришга хизмат қилди», - деди у.
Олжас Бектенов Қирғизистон Президентининг ўтган йили Қозоғистонга расмий ташрифини эслади.
«Жорий йилда Қозоғистон Президенти Қасим-Жомарт Кемелули Тоқаевнинг Қирғизистонга ташрифи режалаштирилган. Бу, шубҳасиз, икки томонлама муносабатларни янада ривожлантиришга янги суръат бағишлайди. Бугунги учрашувимиз олий даражада бўлажак музокараларни сифат жиҳатидан тўлдириш мақсадида икки томонлама кун тартибининг долзарб масалаларини муҳокама қилиш имконини беради», - деди Бош вазир.
Эслатиб ўтамиз, Президент Қасим-Жомарт Тоқаев Иордания Подшоҳи билан музокаралар ўтказди.