Бу ҳақда журналист Майк Коппинджер ўзининг Twitter саҳифасида маълум қилди. Унинг сўзларига кўра, томонлар бир неча ой олдин келишувга эришган.
Манбаларга таяниб, журналист ушбу жангдан «Канело» 45 миллион, Головкин эса 30 миллион доллар ишлаб олишини айтди. Иккинчи жанг ташкилотчиларга 27 миллион доллар олиб келди, шунинг учун учинчи жанг ҳам томошабинлар кўз олдида ўтади. Жанг тахминан 2021 йил май ойида ўтказилади.
Эслатиб ўтамиз, 2017 йилнинг сентябр ойида бўлиб ўтган биринчи жанг дуранг билан якунланган, бир йилдан кейинги иккинчи жангда эса Альварес ғалаба қозонган эди.