Бокс бўйича Осиё чемпионати: Диас Молжигитов ярим финалга йўлланма олди

ASTANA. Kazinform – Таиланднинг Чиангмай шаҳрида бокс бўйича эркаклар ва аёллар ўртасидаги Осиё чемпионатида Диас Молжигитов ярим финалга йўлланма олди.

Қозоғистонлик боксчи 75 килограмм вазн тоифасида чорак финалда япониялик Даига Сунагага қарши жанг ўтказиши керак эди.

Қозоғистон бокс федерацияси хабар берганидек, япониялик спортчи рингга чиқа олмаслиги маълум бўлди. Шу тариқа, 8 декабрь куни Диас Молжигитов финал йўлланмаси учун Украина – Туркманистон жуфтлиги ғолиби билан куч синашади. Бу Диаснинг камида бронза медалини қўлга киритишидан далолат беради.

Эслатиб ўтамиз, аввалроқ Маҳмуд Сабирхан бокс бўйича Осиё чемпионатидаги рақибини нокаут билан мағлуб этгани ҳақида хабар берган эдик.