БМТнинг Барқарор ривожланиш мақсадлари минтақавий марказини очиш вақти келди

Алматида БМТнинг Марказий Осиё ва Афғонистон учун Барқарор ривожланиш мақсадлари бўйича минтақавий марказини очиш вақти келди, деди Қ. Тоқаев БМТ Бош Ассамблеясининг 78-сессиясидаги нутқида, деб хабар беради Каzinform мухбири.

“Афғонистон – минтақамиз кун тартибидаги энг долзарб масала. У барқарор, фаровон давлат ва ишончли савдо шеригига айланиши керак. Шу муносабат билан Алмати шаҳрида БМТнинг Марказий Осиё ва Афғонистон учун Барқарор ривожланиш мақсадлари бўйича минтақавий марказини очиш вақти келди. БМТга аъзо барча давлатларни ташаббусимизни қўллаб-қувватлашга чақираман”, — деди Президент.

Қасим-Жомарт Тоқаев, шунингдек, Қозоғистон Марказий Осиё давлатлари билан кўп томонлама ҳамкорликни янада мустаҳкамлаш ниятида эканини таъкидлади.

“Минтақамиз халқаро ҳамжамиятнинг “унитар ва мустақил” қисми сифатида муҳим ўрин тутади. У глобал ривожланиш жараёнларига ҳам ҳисса қўшиши мумкин. Яхшиямки, иқтисодий фаоллик ортиб бормоқда. Кейинги 5 йилда минтақада товар айирбошлаш ҳажми икки баробарга ошиб, 10 миллиард долларни ташкил этди”, – деди Давлат раҳбари.

Эслатиб ўтамиз, БМТ Бош Ассамблеясининг 78-сессиясида нутқ сўзлаган Президент Қасим-Жомарт Тоқаев Қуръоннинг ёқиб юборилиши юзасидан баёнот берди.