БМТ: 2050 йилга бориб яна 80 миллион одам очликдан азият чекади

ASTANА. Кazinform — 2050 йилга бориб яна 80 миллион киши очарчиликка дуч келиши мумкин, дея маълум қилди БМТ Инсон ҳуқуқлари бўйича Олий комиссари Волькер Турк, деб хабар беради Anadolu агентлиги.

Турк Х платформасидаги постида дунёда ҳар ўн кишидан бири очлик билан тўқнаш келганини қайд этди.

— Иқлим ўзгариши 2050 йилга бориб яна 80 миллион одамни очарчиликка олиб келиши мумкин, — деб ёзади у.

Унинг сўзларига кўра, муаммо озиқ-овқат етишмаслигида эмас, балки озиқ-овқатни етиб бўлмайдиган, қиммат ва мувозанатсиз қиладиган тизимларда.

— Бизга тенглик, барқарорлик ва инсон ҳуқуқларига асосланган озиқ-овқат ва ердан фойдаланиш тизимлари керак, — деди Турк.

Эслатиб ўтамиз, БМТ Нигерияда 600 000 дан ортиқ бола очликдан нобуд бўлиши мумкинлигидан огоҳлантирган эди.