Биз Жанубий Кореяга хомашё ва материаллар етказиб берувчи ишончли ҳамкор бўла оламиз - Тоқаев

ASTANА. Кazinform - Давлат раҳбари Қасим-Жомарт Тоқаев Қозоғистон-Корея бизнес-форумида KIGAM, SK Ecoplant каби компаниялар ер ости бойликларини ўзлаштириш соҳасидаги лойиҳани амалга оширишдан манфаатдор эканини айтди.

“Мутахассисларнинг фикрича, 2040 йилга бориб нодир металларга жаҳон талаби 4 баробар ортади. Биз барқарор иқтисодий ривожланиш учун зарур бўлган хомашё ва материалларни етказиб бериш орқали Жанубий Корея учун ишончли ҳамкор бўла оламиз”, — деди Қасим-Жомарт Тоқаев.

Президент Жанубий Корея компаниялари Қозоғистон литийидан юқори технологияли маҳсулотлар ишлаб чиқаришга тайёрлигини таъкидлади.

“Биз Қозоғистондаги литий конларини юқори навли маҳсулотлар ишлаб чиқариш билан ўзлаштиришдан манфаатдор бўлган KIGAM, SK Ecoplant каби жанубий кореялик шериклар билан ҳамкорликни давом эттиришга тайёр эканимизни билдирамиз”, — деди Давлат раҳбари.