Биткойн янги рекорд ўрнатди

ASTANA. Kazinform – Биткойн қиймати тарихий максимал кўрсаткичларни янгилашда давом этмоқда – криптовалюта нархи 118 минг доллардан ошди. Бу ҳақда Binance савдо платформаси маълум қилди, деб ёзади Report агентлиги.

Криптовалюта 118 минг долларлик белгидан ошиб, янги рекорд — 118,09 минг долларга (+6,43%) етди. Кейинчалик ўсиш суръати секинлашди ва нархи 117,812 минг доллар (+6,05%) атрофида барқарорлашди.

9 июль куни биткойн қиймати қарийб бир ярим ой давомида 100-110 минг доллар оралиғида бўлганидан сўнг 111,999 минг долларгача кўтарилиб, янги тарихий рекорд ўрнатди. Аввалги рекорд 2025 йилнинг 22 май куни қайд этилган бўлиб, ўшанда биткойн 111,98 минг долларгача кўтарилган эди.

Эслатиб ўтамиз, бунгача Binance платформаси маълумотларига кўра, биткоин нархи ўзининг тарихий максимал қийматини янгилаб, 113 минг доллардан ошганини хабар қилган эдик.