Биткойн нархи биринчи марта 111 000 доллардан ошди

ASTANA. Kazinform – Пайшанба кунги савдо сессиясида биткойн тарихий энг юқори кўрсаткичга кўтарилди ва биринчи марта $111 000 чегарасидан ошиб кетди. Бу АҚШ доллари курсининг пасайиши фонида юз берди, деб ёзади Report.

Савдогарлар криптовалюта келажаги ҳақида ҳар қачонгидан ҳам оптимистик. Бу институционал талабнинг ошиши билан боғлиқ.

Биткойн ҳозирда 110,54 минг доллар атрофида сотилмоқда, бу аввалги сессия ёпилишидан 1,7 фоизга кўп. Аввалроқ унинг нархи 111 878 долларга етиб, рекорд ўрнатган эди.

АҚШ Сенати кўпчилик томонидан янгиланган GENIUS Act қонунини қўллаб-қувватлади. Ҳужжат анъанавий валюталарга боғланган стейблкойндар - криптоактивларни федерал тартибга солишни назарда тутади. Энди бу қонун лойиҳаси кейинги муҳокамага юборилади. Муаллифларнинг фикрича, ҳужжат шу ҳафтада қабул қилиниши мумкин.

Мутахассисларнинг фикрича, ушбу қонун рақамли активлар билан шуғулланувчи компаниялар учун меъёрий равшанлик яратади.

Аввалроқ биткойн 105 000 долларгача кўтарилганини ёзган эдик.