Бир ҳафта ичида ўзбекистонликлар 2,9 миллион долларлик газ ва электр энергиясидан ноқонуний фойдаланганлар

TASHKENT. Kazinform – Ўтган ҳафтада Ўзбекистонда газ ва электр энергиясидан ноқонуний фойдаланиш билан боғлиқ 92 та ҳолат аниқланди, деб хабар беради Kazinform ахборот агентлигининг Ўзбекистондаги мухбири Алихан Асқар.

“Ўзэнергоинспекцияси”дан олинган маълумотларга кўра, кўриб чиқилаётган даврда 1,8 миллион куб метр газ ноқонуний ишлатилиб, 5,45 миллиард сўм (тахминан 420 минг доллар) зарар кўрган.

Шунингдек, аҳолининг электр тармоғига ноқонуний уланганлиги оқибатида давлатга 32,45 миллиард сўм (2,5 миллион долларга яқин) зарар етказилган.

Аниқланган фактлар бўйича 126 та маъмурий баённомалар тўлдирилди. Ҳолатни тўлиқ аниқлаш учун иш бўйича барча материаллар ҳуқуқни муҳофаза қилувчи органларга юборилган.

Ўтган йили газ ва электр энергиясидан ноқонуний фойдаланган ўзбекистонликлар давлатга 108 миллион доллар зарар етказган.

Жорий йилнинг январь-февраль ойларида эса ўзбекистонликлар 25 миллион долларлик газдан ноқонуний фойдаланганлар.

Шунингдек, жорий йилда Ўзбекистонда электр тармоғига ноқонуний уланган тоғ-кон хўжалиги 138 минг доллар зарар келтирган.

Бундан ташқари, Ўзбекистон газ қазиб олишни кўпайтириш мақсадида жорий йилда 15 та участкада геология-қидирув ишларини олиб боришни режалаштирмоқда.