«Бешиктош» жамоаси Бахтиёр Зайнутдиновни расман тақдим таништирди

ASTANА. Кazinform – 21 август куни Туркиянинг «Бешиктош» жамоаси Қозоғистон терма жамоаси ярим ҳимоячиси Бахтиёр Зайнутдиновни расман таништирди, деб хабар беради Кazinform.

Истанбул клуби ижтимоий тармоқдаги саҳифаларида 25 ёшли футболчининг аренага кириб келгани акс этган оригинал видеоклипни эълон қилди.

«Ҳар доим ҳамма жойда энг катта бургут», - деди Зайнутдинов турк тилида, ўз футболчиларини «бургутлар» деб атайдиган «Бешиктош»нинг анъанавий имо-ишорасини кўрсатиб.

«Бешиктош»га кўра, Зайнутдиновнинг шартномаси 2027 йилнинг 30 июнида тугайди. Туркия матбуоти хабарига кўра, Истанбул клуби футболчининг трансфери учун Москванинг ЦСКА клубига 4,5 миллион евро тўлаган. Унинг маоши мавсумига 1,2 миллион еврони ташкил қилади.

2020 йилдан бери қозоғистонлик футболчи Москванинг ЦСКА клубида тўп сурмоқда. У ЦСКА сафида уч йил давомида 83 та ўйин ўтказиб, 7 та гол урган.