Беларусь МСК Александр Лукашенконинг ҳужжатларини президентликка номзод сифатида рўйхатга олиш учун қабул қилди
ASTANA. Kazinform – 7 декабрдан 21 декабргача, шу жумладан, Беларус Республикаси президентлигига номзод сифатида кўрсатилган шахс Марказий сайлов комиссиясига президентликка номзодни рўйхатга олиш учун зарур бўлган ҳужжатларни тақдим этиши керак, деб хабар беради Кazinform агентлиги БЕЛТАга таяниб.
Президентликка номзод Марказий сайлов комиссиясига қуйидаги ҳужжатларни тақдим этиши керак: сайловда иштирок этишга розилик тўғрисидаги ариза, белгиланган шаклдаги таржимаи ҳоли, маълумотнома ёки иш жойи ва лавозимини тасдиқловчи ҳужжатлар нусхалари, даромадлари ва мол-мулки тўғрисидаги декларациялар, шунингдек, турмуш ўртоғи ва биргаликда яшовчи ва умумий хўжалик юритувчи катта ёшли яқин қариндошларининг даромадлари ва мулк декларацияси.
Ҳужжатлар президентликка номзодларнинг ўзлари ёки уларнинг вакиллари томонидан ишончнома билан тақдим этилиши мумкин. Давлат раҳбарининг ишончномаси асосида барча зарур ҳужжатлар МСКга Беларусь Касаба уюшмалари федерацияси раиси Юрий Сенько томонидан тақдим этилди.
Унинг сўзларига кўра, имзо тўплаш босқичи мутлақо хотиржам ўтди.
— Булар кўчалардаги пикетлар, корхоналарга ташрифлар, маҳаллий ҳокимият органлари томонидан имзо тўплаш учун ажратилган жойларда ишлаш жараёнларидир. Одамлар ташаббус гуруҳи аъзолари билан катта қизиқиш ва иштиёқ ила учрашиб, ўз имзоларини қолдирди. Ишонаманки, кейинги барча босқичлар ҳам тинч, нормал тарзда давом этади. Аҳоли буни хоҳлайди. Бу имзо тўплаш жараёнида сезилди, - дея қўшимча қилди Юрий Сенько.
Беларусь Республикаси президентлигига номзодларни рўйхатга олиш 2024 йилнинг 22 декабридан 31 декабрига қадар (сайловга 35 кун қолганида бошланади ва 25 кун олдин тугайди) амалга оширилади.
Сайловолди ташвиқоти 2025 йилнинг 1 январидан 25 январигача давом этади.
Беларусда президентлик сайлови 2025 йил 26 январга белгиланган.
БEЛТА ҳамкор агентлиги томонидан Каzinform учун махсус тақдим этилган.