Бандликнинг йўл харитаси: Қозоғистонда 240 мингга яқин киши иш билан таъминланди
14:27, 25 Январь 2021
NUR-SULTAN. Kazinform – Иш билан таъминлашнинг 2020-2021 йилларга мўлжалланган йўл харитаси доирасида 6,7 мингта ижтимоий аҳамиятга эга инфратузилма лойиҳалари амалга оширилмоқда. Унда ўртача 130 минг тенге иш ҳақи билан 239 минг киши ишлайди, деб хабар беради Kazinform.
2020 йил натижаларига кўра ҳудудларда 6,7 минг лойиҳа бўйича ишлар бошланди, 239 минг иш ўрни яратилди. Уларнинг 120 мингдан ортиғи иш билан таъминлаш марказлари орқали яратилган. Дастур иштирокчиларининг ярми овул аҳолиси, 39% ёшлар ва 7% кам таъминланган фуқаролар.
Амалга оширилган чора-тадбирлар ишсизлик даражасини 5% ва ёшлар ишсизлигини 3,9% даражасида ушлаб туришга имкон берди.
Йўл харитасида иш билан таъминланганларнинг энг катта қисми Туркистон (25,3 минг), Шарқий Қозоғистон (21 минг), Жамбил (20 минг) вилоятларида, шунингдек Алмати шаҳрида (21,4 минг).