БААда кўп қаватли уйни бир неча дақиқада ёнғин қамраб олди
12:52, 27 Июнь 2023
AJMAN. Kazinform – Душанбага ўтар кечаси БААнинг Ажман шаҳридаги кўп қаватли турар-жой биносини кучли ёнғин қамраб олди, дея хабар беради Kazinform The Hindustan Timesга таяниб.
Ajman One мажмуасининг 02-минорасида ёнғин содир бўлди. Олов бир неча дақиқада бир неча қаватни қамраб олди.
Ёнғин жойига зудлик билан етиб келган ўт ўчирувчилар ёнғинни назоратга олишга муваффақ бўлди. Жабрланганлар ва қурбонлар ҳақида маълумот берилмаган.
Ёнғин ичида қолган бинодан эвакуация қилинган аҳоли амирлик транспорт бошқармаси томонидан ажратилган автобусларда Ажман ва Шаржадаги меҳмонхоналарга олиб кетилган.