Австралияда радио бошловчи сунъий интеллект томонидан яратилган

ASTANА. Кazinform - Австралия радиостанцияси олти ой давомида сунъий интеллект ёрдамида яратилган бошловчи билан дастур олиб бормоқда. Маҳаллий матбуотнинг ёзишича, буни ҳеч ким пайқамаган, деб ёзади The Verge.

Workdays with Thy мусиқий шоуси тўрт соатлик хип-хоп, R& B ва поп мусиқа аралашмаси бўлиб, унда бошловчи Тай (Thy) сунъий интеллект томонидан яратилгани ҳақида айтилмаган.

CADA радиостанциясида Workdays with Thy дастури эфирга узатилади. Унинг эгаси ARN Media компанияси Financial Reviewга Тай сунъий интеллект ёрдамида яратилганини, унинг овози ва ташқи кўриниши компаниянинг молия бўлими ходимига ўхшашлигини тасдиқлади.

The Carpetнинг хабарига кўра, бошловчининг овозини такрорлаш учун ElevenLabs генераторидан фойдаланилган.

Financial Review маълумотларига кўра, Workdays with Thy шоуси CADA радиостанцияси веб-сайтида 2024 йил ноябрь ойида пайдо бўлган ва рейтингга кўра, у камида 72 минг кишини қамраб олади.

Эслатиб ўтамиз, аввалроқ Россияда фирибгарларни қўлга олиш учун сунъий интеллект қўлланилиши ҳақида ёзган эдик.