Астаналик велопойгачи “Лангкави тури” босқичида кучли учликдан жой олди

Astana Qazaqstan Team велопогачиси Глеб Сирица “Лангкави тури” босқичида ғолиблик учун кураш марказида яна ўзини кўрсатди. Бугун олтинчи босқичда спринтда Сирица пойганинг биринчи кунида бўлгани каби яна учинчи ўринни эгаллади, дея хабар беради Кazinform жамоа матбуот хизматига таяниб.

-Кун жуда иссиқ эди, тўғрисини айтсам, бу жазирамада, айниқса, охирги 50 километрда мен учун жуда қийин бўлди. Яна бир бор жамоадошларим мен учун ажойиб иш қилишди, лекин сўнгги километрда мен бир нечта позицияларни бой бердим ва етакчиликни қўлга киритиш учун қулай вақтни йўқотдим. Мен спринтни узоқдан бошладим ва энди учинчи ўриндан яхшироқ натижага эришиш мумкин эмас эди. Бироқ, олдинда яна икки босқич бор ва, албатта, курашни давом эттираман, - деди Глеб Сирица.

Олтинчи босқичдан сўнг Вадим Пронский Осиёнинг энг яхши велопойгачиси таснифида умумжамоа ҳисобида ўзининг 5-поғонасини сақлаб қолди. Харольд Мартин Лопес эса 10-ўринда.