Астанада хоккей бўйича халқаро турнир бўлиб ўтади

ASTANA. Kazinform – Эртага, 1 май куни Қозоғистон пойтахтида Qazaqstan Hockey Open халқаро турнири бошланади.

Бу ҳақда Қозоғистон хоккей федерацияси маълум қилди.

Халқаро турнирда Қозоғистон терма жамоасидан ташқари Беларусь ва Россия терма жамоалари иштирок этади. Иштирокчилар гуруҳ тизимида рақобатлашадилар. Энг кўп очко тўплаган жамоа турнирда ғолиб чиқади.

Ўйинлар тақвими:

• 1 май 17:00. Қозоғистон - Россия
• 2 май 18:00. Россия - Беларусь
• 3 май 17:00. Қозоғистон - Беларусь.

Бу Қозоғистон миллий терма жамоасининг 2025 йилги жаҳон чемпионатига тайёргарлиги доирасида ўтказилади.

Қозоғистон хоккейчилари “В” гуруҳида ўйнашади. Рақиблар Финляндия, Чехия, АҚШ, Германия, Дания, Норвегия ва Венгрия.

Ўйинлар Даниянинг Хернинг шаҳрида бўлиб ўтади.

Стокгольм шаҳрида бўлиб ўтадиган “А” гуруҳида Канада, Швеция, Швейцария, Словакия, Латвия, Австрия, Франция ва Словения терма жамоалари куч синашади.