Астана – Марказий Евроосиёнинг дурдонаси, замонавий Қозоғистоннинг юзи – ҚР Президенти
ASTANA. Kazinform – Қозоғистон Республикаси Президенти Қасим-Жомарт Тоқаев қозоғистонликларни Астана куни билан табриклади.
Ҳурматли ватандошлар!
Астана куни муборак бўлсин!
Жорий йили ушбу байрам Дўмбра кунига тўғри келди. Бу бежиз эмас, бунинг рамзий маъноси катта. Қозоқ халқи учун муқаддас бўлган дўмбра – Буюк даштнинг шаклланган минг йиллик ноёб маданий мероснинг тимсолидир. Пойтахтимиз эса Қозоғистоннинг барқарор ва жадал ўсишини, шунингдек, бунёдкор миллатнинг порлоқ келажакка интилишини ёрқин акс эттиради.
Бугунги кунда Астана мамлакатимиздаги жамият, сиёсат ва бизнеснинг маркази ҳисобланади. Айни шу ерда халқимиз тақдирига дахлдор муҳим қарорлар қабул қилиниб, илғор ғоялар ҳаётга тадбиқ этилади ва олий мақсадлар амалга оширилади. Бу шаҳарда илмга чанқоқлик ва меҳнатсеварлик каби қадриятлар мустаҳкам қарор топган, халқимиз бирдамлиги ва тотувлиги янада мустаҳкамланмоқда.
Астана – Марказий Евроосиёнинг дурдонаси, замонавий Қозоғистоннинг юзи ҳисобланади. Халқаро ҳамжамият пойтахтимизни тинчлик ташаббусларини амалга оширадиган ва глобал мулоқотга замин яратадиган шаҳар сифатида тан олади.
Пойтахтимиз ҳар доим кенг кўламли ислоҳотлар ва чуқур ўзгаришларнинг бошланғич нуқтаси бўлиб келган. Ишонаманки, келгусида ҳам Астана Адолатли, Пок ва Қудратли Қозоғистонни барпо этиш йўлидаги умуммиллий янгиланиш жараёнларида илғор куч бўлиб қолади.
Азиз шаҳримиз равнақ топсин, гуллаб-яшнасин!
Барчангизга мустаҳкам соғлик ва фаровон ҳаёт тилайман!