Арманистон КХШТдаги иштирокини тўхтатди
13:37, 23 Февраль 2024
Арманистон Коллектив Хавфсизлик Шартномаси Ташкилотидаги (КХШТ) иштирокини тўхтатди. Бу ҳақда Арманистон бош вазири Никол Пашинян France 24 телеканалига берган интервьюсида маълум қилди, дея хабар беради Kazinform агентлиги ТАССга таяниб.
- Коллектив хавфсизлик шартномаси, бизнингча, Арманистонга нисбатан, айниқса, 2021-2022 йилларда амалга оширилмади. Бу бизнинг эътиборимизсиз қолиши мумкин эмас. Биз ушбу келишувдаги иштирокимизни тўхтатдик. Кўрамиз, кейин нима бўлади”, — деди Пашинян.
Аввалроқ Никол Пашинян мамлакатни янги геосиёсий ва минтақавий шароитларда рақобатбардошлигини ва ҳаётийлигини таъминлайдиган конституцияга эга бўлиши кераклигини айтган эди.