Аракчи: Эрон ядро дастуридан воз кечмайди

ASTANA. Kazinform – Эрон ҳатто Исроил билан урушдан кейин ҳам ядро дастуридан воз кечмайди. Бу ҳақда Эрон ташқи ишлар вазири Аббос Аракчи Al-Araby al-Jadeed нашрига берган интервьюсида маълум қилди, деб ёзади Report.

Аракчининг сўзларига кўра, Исроил билан 12 кунлик можародан сўнг Теҳрон аввалгидан дадилроқ қадам ташлашга қарор қилган.

“Биз ушбу технологияга катта маблағ ва куч сарфладик. Олимларимиз ҳалок бўлди, халқимиз санкцияларга чидади, ҳатто бизга қарши уруш бошланди. Эронда ҳеч ким бу дастурдан воз кечмайди. У доимо Атом энергияси бўйича халқаро агентлик (МАГАТЭ) назорати остида бўлган”, – деди Аракчи.