АҚШнинг “Рас-Иса” портига берган зарбалари оқибатида 13 киши ҳалок бўлди

Ямандаги ҳутий исёнчилар АҚШнинг Қизил денгиздаги “Рас Исо” портига берган зарбалари оқибатида камида 13 киши ҳалок бўлганини маълум қилди. Бу ҳақда Kazinform агентлиги BBCга таяниб хабар беради.

“Америка агрессияси натижасида 13 порт ишчилари ҳалок бўлди, яна 30 нафари яраланди”, — дея AFP хусийлар сўзловчиси Анис Аласбахийнинг ижтимоий тармоқдаги сўзларидан иқтибос келтиради.

Аввалроқ АҚШ ҳарбийлари ҳутийларнинг ёқилғи таъминотини тўхтатиш учун зарбалар берганини маълум қилганди.

"АҚШ кучлари Эрон томонидан қўллаб-қувватланган ҳутий террорчилар учун ёқилғи манбаини тўхтатиш ва уларга ўн йилдан ортиқ вақтдан бери минтақадаги ҳутий террорчилик ҳаракатларини молиялаштирган ноқонуний даромадларни рад этиш учун чора кўрди", - деди АҚШ Марказий қўмондонлиги (CENTCOM) баёнотида.

АҚШ ҳарбийларига кўра, Вашингтон шу йил бошида исёнчиларни хорижий террорчилик ташкилоти деб эълон қилганига қарамай, кемалар порт орқали ёқилғи етказиб беришда давом этган.