Johnson & Johnson компаниясининг вакцинаси оғир касалликларнинг олдини олишда 85% самарали эканлиги тахмин қилинмоқда.
Ушбу ҳафтанинг бошида Озиқ-овқат ва фармацевтика идораси (FDA) мутахассислари вакцинанинг хавфсизлиги тўғрисида баёнот эълон қилишди. Улар самарадорлигини енгил касалликнинг олдини олишга қарши 66,1% га ва оғир касалликларнинг олдини олиш учун 85% га баҳолашди.
Johnson & Johnsonнинг дори-дармонлари АҚШ аҳолиси учун Pfizer/BioNTech ва Modernaдан кейин мавжуд бўлган учинчи вакцинадир. Аввалроқ вакциналар ишлаб чиқарувчи компания АҚШ ҳукумати билан 100 миллион дозали препаратни 1 миллиард долларга етказиб бериш тўғрисида шартнома имзолагани ҳақида хабар берилган эди.